حرقت........ وما تقصر في حريقك ......... يا موقدني
وانا عن جمرة ايامي......... تخيلت ........ اتفيابـك
تـذر الريـح بكوفـك .... علـى مـا بـي تـذودنـي
أفا .... اثـر الحـروق اللـي وطتنـي كلهـا اسبابـك
صراحـة .... ياعمـى قلـب علـى نـارك مـوردنـي
جهل ..... او ضيعة .... او قسمة.... او شاقني خضابك
على كيفـك تلاعبنـي ..... تدنينـي ....... وتبعدنـي
وتضحكني لحد الخـوف ... بضحـك مـن ورى نابـك
وتحددنـي مثـل كحـل ... علـى ذوقــك تحـددنـي
وتعلقنـي مـع عيونـك ... وترمينـي مـن اهـدابـك
واذا جنـت ليالـيـك الهبيـلـة.... لــك تجـددنـي
سوالف ليل... ويشعلهـا صباحـك ... وابـدا اشقابـك
عتقتـك يـا غـلا قلـب .... تعبـدك .... وتسيدنـي
عتقتـك مـن بيـاض اللـي عبـدك ومـات بتـرابـك
تعـاف النفـس شخـص .... بالمحبـة مـا يوحدنـي
وانا.. عفتك من اقصـى خاطـرى يـا مكثـر احبابـك