السلام عليكم ورحمة الله وبركاته
من جديد والغلا دايم يزيد
على فكره أنا عارفه إن نصكم أو أغلبكم داخل عشان يدور صوره
يدور فضيحه لبنت مجتمعه
يدور فضيحه لبنت بكره هي لبنه أساسيه في بناء الإنسان السعووووووووودي؟!
اللي جاي يدور صور أنا أقوله من هالحين يدور ويمسك أقرب مخرج ويروح يدور في أي منتدى ثاني
أنا هنا أخاطب عقول أخاطب ضمائر حيه
ما أخاطب أناس يركضون وراء شهوتهم
ويركضون وراء فضول ضمائرهم المعدومة الإحساس بالغيره على بنت هي قبل أن تكون من مجتمعه فهي من دينه وملته
أخواني أرباب العقول وأصحاب الغيره
وش اللي حصل لبنات مجتمع يعتبر إسلامي بحت
وش اللي صار لبنات السعودية
كل يوم والثاني نلاحظ ونسمع ونقراء ونشوف عن فضيحه لبنت سعوديه
مره في مرقص
ومره مع واحد
ومره على بحر
ومره بالثمامه
ومره بشقه
ومره بإستراحه
ومره ومره ومره......
في العشر سنوات الأخيره لاحظنا هالشي بكثره وبشكل مدهش وملفت للنظر شي عور قلوبنا وأدمع عيونا
قد يكون للتقنيه سبب في إنتشار هالشي لكن ليست سبب في حصوله وحدوثه
أنا هنا أبتكلم وأبيكم تشاركوني عن السبب وراء كل مايحدث لبنات السعودية
هالبنات اللي كل يوم طالع لهن فضيحه ومأسآه
هن بكره أمهات المستقبل السعودي
وإذا أمهات المستقبل السعوديات بهالشكل
فقل على السعودية السلاااااااااااااااااااام
قبل أن نحارب نشر الفضيحة وطريقة سريانها بالمجتمع
ليش مانحارب أصل الفضيحة وأول خطوه فيها
هنا أتوقف لأسمح لكل منكم أن يدلي بدلوه عن الأسباب اللي أدت إلى أن تكون البنت السعودية بهذه الحال وجعل منها سالفة على كل لسان
قد يكون عامل الغزو الفكري والتربية والمجتمع والعلاقات وغيرها كثير سبب في ذلك
أتركم لكم ولأقلامكم المجال مع صادق الأمنيات مني بنقاش يُطبق على أنفسنا ومن حولنا لأننا لبنه أساسيه في مجتمع الغد اللي بدينا بصراحة نخاف منه ومن المصايب اللي بتصير فيه من جهة أخلاقيه
