يــــــــــــاويــــــــــل قـــــــــــلـــــــــبــــــــي ..!

ياويل قـلـبـي كل مأشتقت لقياه ..

وشلون ماتشتاق عيني لعينه !!

أنا أدري إني حيل أحـبــه وأهواه ..

وأنا أدري إن الـقـلـب صار بيدينه !!

أموت انا به في غيابه وأحياه ..

وشلون أجل لو صافحتني يمينه !!

حاولت أنا أكتم عبرتي يوم فرقاه ..

وألملم جــروح الزمان الطعينه !!

وأعطيه من قــلــب المعنى معناه ..

وآخذ من جروحه ولو هي دفينه !!

وأضيع به في زحمة الناس وانساه ..

وأنسى معه ذكرى السنين وحنينه !!

لقيت نفسي كل ماحل طرياه ..

عروق قــلــبــي كلها تقول وينه !!

يامر على قـلــبــي ولاشك ينهاه ..

كلي أنا تحت الإشاره رهينه !!

ماكل من يضحك سعيد بدنياه ..

وماكل من يبكي دموعه حزينه !!

أحدن بكى .. والكل يدري عن بكاه ..

وحدن مع الضحكه تحس بونينه !!

ياشين فرقى الــحــب وياشين بلواه ..

والمشكله دنيا بلا حـــب .. شينه !!

والزين مايكمل ولو كان ماحلاه ..

إلا حبيبي ماتغير بزينه !!

ماجيت أسولف عن حلاه ومزاياه ..

يكفي إحساسي وقـلـبــي عارفينه !!

كن الفضا في غيبته ضاق مسعاه ..

وكني غريق ينتظر له سفينه !!

شف دنيتي ياصاحبي عقب فرقاه ..

مثل الظلام اللي حصل بالمدينه !!

بكتبه أنا في صفحة الشعر واقراه ..

وباذبحه بزود الغلا دون سكينه !!

وبارسمه في لوحة الشعر وانعاه ..

وبادفنه بين الضلوع الحنينه !!

بوسط الحشا داخل الصدر مشراه ..

إما يسار الـقـلــب وإلا يمينه !!

وسلامتكمـ ..

وكني غريق ينتظر له سفينه !!

شف دنيتي ياصاحبي عقب فرقاه ..
احلا بيت في القصيده يسلمو اخوي
ننتظر جديدك

ياويل قـلـبـي من مواضيعك ويصح لسانك اخوي المستشار تسلم اخوي

عندما نشتاق ..
يكثر حوار الأوراق ..
تتخاطب .. تتنهد .. تتبعثر
التعب يأكلنا ..
يعصرنا الاحتراق ..
تحيط على مدار الكون ..لافتات كتب عليها ..
ما أقسى الاشتياق ..
وما أقبح الفراق ..

الهايم ابدعت في النقل فأحرفك ملكت وجداني

دمت للإبداع نبراساً

لك مني اجمل تحيه

دلــٍ_ٍــع

امشكورين ياعسل على مروكم الطيب
ويعطيكم الف عافيه